உலகளாவிய இலக்கிய நண்பர்களுக்கும் வாசகர்களுக்கும் சக இலக்கிய கர்த்தாக்களுக்கும் இனிய தீபாவளி நல் வாழ்த்துக்கள் ...ராகவபிரியன் பின் நவீனவிய கவிதையியல் அதன் கூறுகளை இறுகக்கட்டிக் கொள்வதாகத் தெரிகிறது...தளர்வுகள் அறிவிக்கப்படப்போவதான எதிர்பார்ப்பை பின் நவீனவிய கவிதை வாசகனுக்கு ஏற்படுத்திக்கொண்டே இருக்கிறது...கவிதைக்கான குறிப்புகளை அவ்வப்போது பதிவுசெய்துகொண்ட மரபுக் கவிஞன் எதுகை மோனையில் புதிய வார்த்தைகளை களமிறக்கினான்...குறிப்புகளற்ற நிகழ்வுத் தளங்களை உத்தியின் மூலம்... உவமைகளை மாறுபடுத்திக் காட்டிய யுக்தியின் மூலம்... புதுக்கவிதை வாசகனை பிரமிக்க வைத்தது...பாஸிடிவிஸம் அல்லது நேர்மறை வாதம் சமுதாய நிகழ்தேவைகளை உள்ளடக்கி சற்று கோபமான வார்த்தைகளால் கட்டமைக்கப்பட்டால் நவீனவியம் என வாசகனை நம்பிக்கை கொள்ள வைத்தது...ஆனால்..ஜீலியா கிறிஸ்டோவா என்ற மொழியியல் ஆராய்ச்சி மாணவி ஒத்திசைவான பிரதிகளின் நகலெடுப்பை சற்று காலமாற்றத்திற்குட்பட்ட மொழிமாற்றம் செய்தால் பின் நவீனவியம் கிடைத்துவிட்டுப் போகிறதென்று ஒரு அதிர்ச்சியை மொழியின் மீது... கவிதையியலின் மீது அனாயாசமாய் வீசிப்போகிறார்...பண்டைய கவிதையிய...